Para një javë u bë publike një video intime ku kryebashkiaku i Kukësit shfaqej duke kryer marrëdhënie seksuale në zyrën e tij. Ndërkohë që tashmë gazetari investigativ Artan Hoxha shprehet për emisionin “Të Paekspozuarit” se dyshohet se mund të jenë paguar edhe para që ajo të mos dilte në qarkullim. Sipas Hoxhës publikimi i videos nxjerr nga kontrolli të gjithë planin e shantazhit ndaj Gjicit. Teksa gazetari e pyet Artan Hoxhën se ku ndodhet tashmë Safet Gjici, përgjigjia ishte e tillë: Thonë iku në Dubai, por Gjici nuk ka kaluar kufirin dhe është brenda territorit të Shqipërisë.
Rakipi: Ç’po ndodh me çështjen Gjici?
Hoxha: Policia gjyqësore ka marrë deklarime të personave të tjerë, edhe persona të stafit të bashkisë së Kukësit. Është marrë vajza e filmimit. Pjesë e hetimit është edhe pse u bë video. Është kërkuar edhe pajisja që bëri regjistrimin, cili ka qenë objektivi, pse është bërë filmimi, etj.
Zoti Gjici nuk është thirrur, do të thotë që duan të kenë plotësuar të gjithë puzzle në momentin që do të thërrasin zotin Gjici.
Në raste të tjera, si Shukri Xhelili, u veprua edhe më shpejt. Unë kam nxjerrë videon e plotë, jam habitur kur lexoj teoritë konspirative. Regjistrimi është bërë për interesa që e dinë ata që kanë çuar vajzën aty. Publikimi ka nxjerrë jashtë kontrollit të gjithë planin për shantazhin. Rrugës, ata që e kanë bërë këtë punë, nuk e kanë mbajtur dot regjistrimin. Nuk e kanë ruajtur dot dhe ka rrjedhur.
Dyshoj që mund të jenë paguar edhe para që ajo të mos dalë. Dalja ka prishur punë dhe ngatërroi situatën.
Rakipi: Safeti është në Shqipëri? Se ky është popull thashethemaxhi, që thonë se ka ikur…
Hoxha: Thonë iku në Dubai, por Gjici nuk ka kaluar kufirin dhe është brenda territorit të Shqipërisë.
