Presidenti i vendit Ilir Meta ka harruar funksionin e tij politik. Prej kohësh endet sa nga veriu në jug për qëllime elektorale. Vetëm dy muaj larg zgjedhjeve të 25 prillit, Meta nuk ndahet lehtë nga partia e tij LSI.
Teksa bën deklarta dhe shfaqet si i ‘preukupuar’ për situatën epidemike nga Covid, Meta së fundmi ka zhvilluar një mbledhje me qytetarët në Vranisht.
Edhe pse shkoi për 77 vjetorin e msaskatrës naziste, ku u masakruan 60 burra e gra, Meta u pa i rrethuar nga dhjetra njerëz të cilët po drekonin bashkë, duke thyer kështu çdo masë anticovid.
Sa i përket shifrave të infektimeve në rritje, Presidenti Meta i bëri thirrje kryeministrit Edi Rama se situata po shkon drejt një katastrofe kombëtare për shkak të mungesës së planit të vaksinimit dhe mos marrjes së masave të duhura nga ana e qeverisë.
“Situata po shkon drejt një katastrofe kombëtare, që duhet parandaluar pa humbur më kohë. Çdo ditë, që kalon, do të thotë më shumë pasoja për shëndetin dhe jetën e qytetarëve, mbrojtja e të cilëve duhet të jetë prioriteti ynë absolut. Propagandë duke luajtur me jetët e shqiptarëve nuk mund të ketë dhe nuk do lejohet të ndodhë”, deklaroi Meta.
Pavarësisht thirrjeve boshe të Presidentit, të çuditshme dhe kondraktitore janë veprimet e tij. Vetë Meta, jashtë çdo force politike, ka zbritur në terren në kuadër të fushatës elektroale.
Mjafton të kujtojmë dy daljet e tij të fundit në Vlorë e Korçë, ku ka zhvilluar takime me të rinj e të moshuar, në mungesë të plotë të masave anticovid.
Nga ambiente të mbyllura dhe grumbullime të panevojshme njerëzish, Meta ka dhënë dhe mesazhe elektroale.
“Unë besoj fort tek demokracia. Demokracia është fuqia e popullit. Forca e popullit qëndron tek vota dhe referendumi i 25 prillit është një mundësi historike për hapur një epokë të re të ndryshimit të madh për të rinjtë.”, është shprehur Meta nga Vlora.
Pavarësisht se vendi ndodhet në një situatë të pazakontë, asnjë prej përfaqësuesve politik nuk interesohet për shëndetin e qytetarëve por vijojnë me mitingjet elektorale.
