Ditën e sotme Komiteti Teknik i Ekspertëve lajmëroi për mediat se ka pasur një record rastesh të reja me koronavirus dhe se trendi po përhapet edhe te moshat e reja. Ka qenë Urgjenca Kombëtare ajo që e ka konfirmuar diçka të tillë me një postim të disa minutave më parë, kur shkruan se numri i infektimeve është rritur në moshat 15-24 vjeç dhe 25-35 vjeç. QKUM bën thirrje për respektim të masave dhe shmangien e grumbullimeve. Ndërkohë shkruan se nëse simptomat përkeqësohen, qytetarët duhet të telefonojnë 127 ose mjekun e familjes.
Mesahi i plotë i QKUM:
Rreth 52000 thirrje janë regjistruar vetëm gjatë muajit JANAR drejt numrit unik 127, pranë Njësisë së Koordinimit në Qendrën Kombëtare të Urgjencës Mjekësore, 9500 prej të cilave kanë qenë thirrje COVID. Gjithashtu, janë regjistruar nga rreth 1800-2000 në ditë, nga te cilat rreth 390-400 në ditë kanë qenë COVID. Vetëm gjatë muajit janar nga ekipet e terrenit të urgjencës mjekësore, janë kryer rreth 12000 misione, 2600 prej të cilave kanë qenë misione COVID. Ajo që mbetet për tu shqetësuar në këto momente është rritja e numrit të të infektuarve në moshat 15-24; 25-35 vjeç. Është shtresa më aktive dhe e pakujdesshme. Ka rritje të numrit të infektuarve te të rinjtë.
Duke parë nr në rritje të infektimeve QKUM, ju bën thirrje të respektoni rregullat bazë për të mbrojtur veten tuaj dhe të tjerët nga COVID-19. Të respektoni distancën dhe të mbani maskë, të lani shpesh duart dhe të distancoheni nga grumbullimet.
Por çfarë duhet të bëni nëse simptomat tuaja #COVID19 janë të lehta ose mesatare?
Qëndroni në shtëpi
Mos përdorni #antibiotikë
Pushoni, ushqehuni, pini normalisht
Telefononi 127 ose mjekun tuaj të familjes nëse simptomat tuaja përkeqësohen.
