Pas mbylljes së seancës së sotme Parlamentare Kryetari i PD-së, Sali Berisha u shpreh për gazetarët se nuk e njeh Agron Nezën, i përfshirë në çështjen McGonigal. Sipas tij ndonëse personi në fjalë ka bërë një fotografi me të nuk e njeh personalisht, por familjarët e tij.
Kujtojmë se dje Rama i pyetur nga gazetarët në lidhje me çëshjen McGonigal dhe lidhjen me 2 shqiptarët deklaroi se ato janë miqtë apo të afërmit e disa personaliteteve të PD.
“I kam njohur të tjerët, dhe jo këtë. I kam njohur familjarë të tjerë. Agron Nezën, se ka një fotografi me mua. mund të jenë 100 mijë shqiptarë dhe jo shqiptarë që kanë fotografi me Sali Berishën, por kjo s’do të thotë se i njoh. Njoh shumë nga familjarët e tij, por atë se njoh. Ka njeri që akuzon veten e tij? E kupton veprimin e tij. Ai do bëjë deklarata që të lehtësojë veten e vetë.”, tha ai.
Duke u ndalur te dëshmia e Shkëlzen Berishës në SPAK, Berisha tha se kjo është përpjekje për të mjegulluar aferën Rama-McGonigal.
“Përpjekje për të errësuar, mjegulluar aferën Rama-McGonigal me instrumentalizmin e Skapit të partisë. Komisioni do ngrihet, parlamenti nuk funksionon më. Edi Rama është njeriu që ka paguar vrasësin me pagesë për të shkatërruar opozitën shqiptare.”, tha Berisha.
