Një shtetas 41-vjeçar është arrestuar nga policia e Krujës, për shkak se ka goditur për shkak të detyrës dy punonjës të burgut të Fushë Krujës. I arrestuari është shtetasi me inicialet B. C., 41 vjeç, banues në Fushë Krujë.
Ky person, ka thyer vendimin e Gjykatës së Shkallës së Parë së Krujës, e cila i ka caktuar dënimin alternativ “Qëndrim në Shtëpi” për periudhën e mbetur të dënimit për veprën penale “Trafikimi i narkotikëve”, kryer në bashkëpunim dhe në ambientet e IEVP (Institucioni i Ekzekutimit të Vendimit Penal) Fushë Krujë, ka goditur për shkak të detyrës dy punonjës të këtij institucioni.
Njoftimi i Policisë:
“Goditi për shkak të detyrës 2 punonjës të IEVP Fushë Krujë, arrestohet në flagrancë 41-vjeçari që vuante dënimin alternativ “Qëndrim në Shtëpi”. Specialistët për Hetimin e Krimeve në Komisariatin e Policisë Krujë arrestuan në flagrancë shtetasin B. C., 41 vjeç, banues në Fushë Krujë.
Ky shtetas ka thyer vendimin e Gjykatës së Shkallës së Parë Krujë, e cila i ka caktuar dënimin alternativ “Qëndrim në Shtëpi”, për periudhën e mbetur të dënimit për veprën penale “Trafikimi i narkotikëve”, kryer në bashkëpunim dhe në ambientet e IEVP Fushë Krujë, ka goditur për shkak të detyrës 2 punonjës të këtij institucioni. Materialet i kaluan Prokurorisë së Rrethit Gjyqësor Krujë, për veprat penale “Largimi i të burgosurit nga vendi i qëndrimi” dhe “Goditje për shkak të detyrës”.
