Trajneri i i Juventusit Andrea Pirlo tha ditën e sotme se nuk kishte asnjë lidhje me faktin se lojtari i tij, Cristiano Ronaldo kishte thyer rregullat e koronavirusit me një vizitë në një vendpushim malor.
“Ronaldo kishte një ditë pushimi, ai mund të bëjë atë që dëshiron në jetën e tij private,” tha Pirlo, pasi mediat italiane raportuan se sulmuesi kundërshtoi kufizimet e udhëtimit në fillim të kësaj jave. Ai shtoi për të gjithë futbollistët në klubin e Serie A: “Jashtë fushës ata janë qytetarë të lirë dhe secili merr përgjegjësinë e tij”.
Ronaldo thuhet se udhëtoi në vendpushimin e Courmayeur, 150 kilometra në veri-perëndim të selisë së Juventusit në Torino, për ditëlindjen e të dashurës së tij Georgina Rodriguez. Gazzetta dello Sport tha se çifti kaluan natën e së martës në një hotel dhe morën një makinë bore të nesërmen në mëngjes, para se të ktheheshin në Torino.
Sipas rregullave aktuale të koronavirusit italian, çifti nuk duhet të ishte larguar nga qyteti i Torinos. Lojtari multimilioner dhe partnerja e tij tani rrezikojnë një gjobë deri në 400 euro (485 dollarë) secili. Disa media italiane raportuan se policia lokale e Karabinierëve po shikonte pretendimet në lidhje me Ronaldon.
Futbollisti 35-vjeçar ka qenë i përfshirë në polemika të lidhura me koronavirusin më parë. Ai u kritikua në tetor për udhëtimin në Portugali ndërsa Juventus ishte në izolim pas dy rasteve të virusit.
Ronaldo atëherë doli vetë pozitiv dhe u kthye në Itali për të kaluar dy javë në izolim në shtëpi. Në atë kohë, Ministri Italian i Sporteve Vincenzo Spadafora akuzoi yllin për “shkelje” të kufizimeve të koronavirusit.
