Policia e Tiranës ka arrestuar një 23-vjeçar, i cili ka thyer masën e sigurisë “Arrest shtëpie”.
Sipas policisë, A.K. është konfliktuar me shoferin e një autobusi linje, duke e goditur me mjete të forta.
I riu I kishte kërkuar llogari shoferit, se përse nuk po ecte shpejt dhe më pas situata ka agravuar në dhunë.
Pas marrjes së njoftimit, policia ka mbërritur në vendngjarje dhe ka arrestuar të riun.
Ndaj tij rëndojnë akuzat, “Plagosje e lehtë me dashje” dhe “Largim i të burgosurit nga vendi i qëndrimit”.
Materialet i kaluan Prokurorisë së Tiranës për veprime të mëtejshme.
Informacioni i policisë
Shërbimet e Komisariatit të Policisë Nr.2, në vijim të punës për parandalimin, evidentimin dhe goditjen e paligjshmërisë, arrestuan në flagrancë shtetasin:A. K., 23 vjeç, banues në Tiranë (me precedentë të mëparshëm penal).
Shtetasi i mësipërm ka thyer masën e sigurisë “Arrest shtëpie” duke dalë nga shtëpia dhe më pas është konfliktuar për motive të dobëta (pse autobuzi nuk ecte shpejt), me shoferin e autobusit të një linje urbani duke e goditur me mjete të forta në pjesën e fytyrës. Pas marrjes së njoftimit shërbimet e policisë kanë mbërritur menjëherë në vendngjarje ku dhe arrestuan në flagrancë shtetasin A. K., për veprat penale “Plagosje e lehtë me dashje” dhe “Largim i të burgosurit nga vendi i qëndrimit”.
