The Weekend është një nga aristët më të dashur për publikun dhe fitues i shumë çmimeve prestigjoze. Por së fundi ai duket se nuk është aspak i kënaqur më Akademinë “Grammy”. Ai ka thënë se akademia është e korruptuar pasi kishte kuptuar se albumi i tij “After Hours” ishte injoruar në çdo kategori të nominimeve për ceremoninë e këtij viti. Në një intervistë për Billboard ai ka deklaruar se tashmë çmimet e mëparshme që ka fituar në Grammy, nuk kanë më rëndësi për të.
“Personalisht nuk më intereson më. Kam tri “Grammy” të cilat nuk kanë rëndësi për mua tani”, deklaroi këngëtari dhe autori 30 vjeçar.
Grammy-n e parë The Weekend e ka fituar në vitin 2016 në kategorinë “Best Urban Contemporary Album” për albumin “Beauty Behind The Madness” e po ashtu në kategorinë “Best R&B Performance”, për këngën “Earned It”. Ai fitoi një tjetër çmim Grammy në vitin 2017 në kategorinë “Best Urban Contemporary Album” për albumin e tij “Starboy” i cili deri më tani është edhe albumi i tij më i suksesshëm.
The Weekend, emri i vërtetë i të cilit është Abel Makkonen Tesfaye, është një nga këngëtarët dhe producentët më me ndikim në muzikën bashkëkohore. Ylli kanadez ka kryesuar top listat me një numër hitesh si “Earned it”, “Star Boy”, “Blinding lights” etj
