Presidenti Hashim Thaçi ka nënshkruar ditën e dieshme dekretin për tërheqjen e ambasadores Vlora Çitaku, nga misioni i ambasadores në Shtetet e Bashkuara të Amerikës.
Ndërkohë pas këtij lajmi të bërë zyrtar edhe nga mediat, përfaqësuesja e Kosovës në SHBA Vlora Çitaku, ka njoftuar se po kthehet në vendin e saj pas shumë vitesh. Me anë të një postimi në Facebook Vlora ka thënë se se do të largohet nga misioni i saj në Washington dhe se ishte privilegj që ishte në gjendje të prezantojë historitë mahnitëse të rinisë kosovare në Washington DC dhe në të gjithë SHBA.
Ndër të tjera ajo ka falenderuar institucionet e Kosovës për besimin që i kanë dhënë gjatë këtyre viteve.
“Është zyrtare. Pas më shumë se pesë viteve në Washington DC, ka ardhur koha që unë të kthehem në shtëpi. Përfaqësimi i Kosovës në Shtetet e Bashkuara ka qenë nder i jetës time. Dëshiroj të falënderoj institucionet e Kosovës për besimin që më kanë dhënë gjatë kësaj kohe. Isha shumë e privilegjuar gjithashtu që të prezantoj historitë mahnitëse të rinisë kosovare në Ëashington DC dhe në gjithë SHBA. Faleminderit të gjithë të rinjve që në kanë inspiruar. Të isha kampion i juaj ka qenë gëzim i madh. Të gjithë miqve të mi në DC dhe në SHBA, faleminderit për shoqërinë dhe bashkëpunimin tuaj. Edhe pse pandemia ka limituar opsionet e mia, unë do të provoj të takoj disa nga ju përpara se të shkoj. SHBA faleminderit që më pranuar, Kosovë ja ku po vij”, ka shkruar Çitaku.
https://www.facebook.com/697237413/posts/10157305486232414/?extid=0&d=n
