Gjatë samitit të Diasporës që po zhvillohet sot në Tiranë, presidenti i Kosovës, Hashim Thaçi bëri deklaratën e fortë kur tha se nuk do të ketë kurrë shkëmbim territoresh me Kosovën, duke thënë se duhet të kalojnë mbi trupin e tij për ta arritur këtë.
“Shkëmbimi i territoreve kurrë nuk do të ndodhë, për shkëmbim kam folur edhe më herët. Dua të theksoj se shkëmbimi është Pazar dhe askush nuk do të lejohet të bëjë Pazar me kauzë kombëtare.
Ndarja e Kosovës pa shkelur në trupin tim, nuk do mund ta cënoj askush, asnjë pjesë të territorit të Kosovës. Për ndarje të Kosovës, ata që flasin sot janë ata që e kanë ndihmuar Millosheviçit, të cilët i kam dëbuar nga Kosova”, tha ai.
