Tetë persona u vranë pasi helikopteri i forcës paqeruajtëse u rrëzua në Egjipt. ‘Black Hawk’ u rrëzua në ishullin Tiran pranë bregdetit jugor të Gadishullit Sinai të Egjiptit, të enjten.
Një defekt mekanik dyshohet si shkaku i rrëzimit, thanë zyrtarët për Fox Neës, ndërkohë një hetim është duke u zhvilluar për të bërë të mundur zbardhjen e ngjarjes.
400 trupa amerikane dhe evropiane janë të vendosura në Sinai si pjesë e një misioni paqeruajtëse të Kombeve të Bashkuara që daton që nga nënshkrimi i traktatit të paqes midis Izraelit dhe Egjiptit në 1979.
Gjashtë nga viktimat ishin nga Shtetet e Bashkuara, një nga Franca dhe një tjetër nga Republika Çeke, tha Misioni në një deklaratë.
Një person i mbijetoi aksidentit, sipas deklaratës.
“Gjatë një misioni rutinë në afërsi të Sharm el-Sheikh, Egjipt, nëntë anëtarë të Forcës Shumëkombëshe dhe Vëzhguesve (MFO) u përfshinë në një përplasje helikopteri,” thekson deklarata.
“Ne jemi shumë të pikëlluar të raportojmë se tetë anëtarë MFO u vranë; gjashtë shtetas amerikanë, një francez dhe një çek. Një pjesëtar i MFO nga Sh.B.A mbijetoi dhe u evakuua nga ana e ekipit mjekësor. Emrat po mbahen në pritje të njoftimit për të afërmit.
“MFO do të kryejë një hetim për të përcaktuar shkakun e aksidentit. Në këtë pikë, nuk ka asnjë informacion që tregon se rrëzimi ishte diçka përveç një aksidenti.”
/GazetaReforma.com.al/
