Deputeti Adriatik Alimadhi dhe mjeku Roland Xhaxho, kanë fituar betejën me COVID-19.
Në testin e dytë të zhvilluar, Alimadhi dhe Xhaxho kanë rezultuar negativ.
Pavarësisht këtij fakti, ata do të qëndrojnë në repartin e Infektivit, pasi kanë probleme me mushkëritë dhe frymëmarrjen.
Një ditë më parë ndërkohë u raportuan të shëruar doktor Andi Koraqi dhe drejtori i Urgjencës Kombëtare, Skënder Brataj.
Gjatë 24 orëve të fundit u shënuan 19 raste të reja, duke e çuar numrin në 494.
Në mesin e tyre numërohen 25 viktima dhe 251 të shëruar.
Rastet e reja me COVID-19 janë regjistruar; 11 në Tiranë, 1 në Krujë, 1 në Korçë, 1 në Elbasan, 5 në Kukës mes tyre 1 personel shëndetësor.
Në shërbimin infektiv aktualisht janë 39 të shtruar, ku 5 janë në terapi intensive.
Ndërsa në spitalin COVID 2 “Shefqet Ndroqi”, janë 9 pacientë të shtruar. 7 në terapi intensive, ndërsa 4 prej tyre janë të intubuar.
