Drejtori i përgjithshëm i Policisë, Gledis Nano disa ditë më parë dha urdhrin që efektivët e policisë t’i nënshtrohen testit të drogës.
Menjëherë pas urdhrit disa efektivë iu nënshtruan testit.
Ndërkohë kanë dalë disa rezultate të testeve dhe mësohet se disa policë kanë rezultuar se janë përdorues të lëndëve narkotike.
Pritet që ditët në vijim të jetë edhe konferenca e prezantimit të rezultateve për testin e drogës tek uniformave blu. Prezantim që do bëhet nga Gledis Nano.
Kujtojmë që të parët që iu nënshtruan testit ishin efektivë nga Drejtoria Vendore e Policisë në Tiranë, Elbasan dhe Shkodër.
Kujtojmë që kur Nano dha urdhrin për testin e drogës, tha se efektivët që rezultojnë konsumatorë do të pezullohen nga puna.
Vendimi erdhi si një mënyrë e përmirësimit të cilësisë së shërbimit ndaj qytetarëve, por edhe mjaft akuzave të qytetarëve se efektivë janë të përfshirë në aktivitete kriminale. Testi nuk do të bëhet për të gjithë efektivët, por në mënyrë të rastësishme, si edhe për ata që do të ketë dyshime se mund të jenë përdorues.
Fillimisht rreth 20 efektivë në Policinë e Elbasanit u dërguan për t’iu në shtruar verifikimit. Reparti i toksikologjisë i kryen analizat, ndërsa në sitën e testit të drogës pritet të hyjnë edhe zyrtarë të latë të policisë së shtetit.
