Qendra më e madhe mjekësore e Izraelit në Telaviv, ka arritur që të zbulojë testin më të shpejtë deri më tani për Covidin.
Ky test synon që të përcaktojë në pak sekonda nëse jeni apo jo të infektuar me koronavirus.
Bëhet me dije se ky rezultat në pak sekonda, arrihet nëpërmjet ekzaminimit të shpejtë të pështymës së pacientit.
Mësohet se pacientëve pas shpëlarjes së gojës me ujë të kripur dhe depozitimit të ujit pas shpëlarjes në një epruvetë mjekësore, i shqyrtohet mostra dhe analizohet nëse është pozitiv apo negativ me prezencën e covid në organizëm nëpërmjet enzimave të mukozës së gojës.
Mjeku i Qendrës për Mjekësi Gjeografike dhe Sëmundjeve Tropikale në Sheba Medical Center, Eli Schëartz, ka deklaruar se ky test ishte shumë praktik dhe i lehtë për t’u përdorur sesa tamponët që përdoren zakonisht për të zbuluar nëse keni apo jo koronavirus.
“Deri më tani kemi rezultate shumë premtuese në këtë metodë të re, e cila do të jetë shumë më e përshtatshme dhe shumë më e lirë”, ka thënë Eli Schwartz.
Kompania Sheba, ka bashkëpunuar me me zhvilluesin e pajisjes, firmën izraelite Neësight Imaging, për të sjellë këtë sistem testimi sipas tyre me 95% efektivitet, në treg.
Ndërkohë kompania është shprehur se është në procesin e marrjes së miratimit të licensës dhe patentimit.
Sipas informacioneve të para, çdo provëz do të kushtojë më pak se 25 cent dhe parashikohet që pajisja të kushtojë diku më pak se 200 dollarë./GazetaReforma.com/
