Një tërmet me magnitudë 6.2 ka goditur paraditen e sotme zonën pranë Stambollit, me epiqendër në detin Marmara, përballë lagjes Silivri.
Lëkundjet u ndjenë fuqishëm në qytet dhe në disa provinca përreth, duke shkaktuar panik tek banorët.
Lëkundje të tjera të magnitudave 5,4 dhe 5,3 pasuan në minutat në vazhdim, ndërsa ende nuk ka raportime për dëme.
Qindra qytetarë dolën në rrugë të frikësuar, ndërsa shumë prej tyre qëndruan në parqe dhe zona të hapura.
Sipas Agjencisë për Menaxhimin e Fatkeqësive dhe Emergjencave, deri tani nuk raportohen të lënduar apo dëme materiale. Autoritetet po vijojnë monitorimin e situatës.
