Pas tërmetit të fuqizhëm që goditi Turqinë dhe Sirinë, zyrtarëte lartë të Shqipërisë kanë shprehur solidaritetin me vendet e prekura. Kryeministri Edi Rama ka njoftuar se do të niset një mision shpëtimi nga Shqipëria solidariteti sot për në Turqi.
“I pikëlluar thellësisht për lajmin e mëngjesit të sotëm për tërmetin shkatërrues që goditi disa pjesë të Turqisë dhe Sirisë. Ngushëllimet tona më të thella për familjet e shumta që humbën jetën dhe u urojmë shërim të shpejtë të lënduarve. Një mision shpëtimi solidariteti do të niset sot për në Turqi”, shkruan Rama.
Presidenti Begaj pohoi se lutjet e shqiptarëve shkojnë për popullin turk.
“Thellësisht i trishtuar nga tërmeti shkatërrues që goditi Turqinë dhe Sirinë këtë mëngjes. Unë dhe shqiptarët qëndrojmë pranë njerëzve të prekur dhe familjeve që humbën të dashurit e tyre në këtë tragjedi të tmerrshme. Mendimet dhe lutjet tona të sinqerta janë me ata!”, shkruan Begaj.
Kreu I PL në një reagim në ‘Tëitter’ thekson se lutjet e shqiptarëve shkojnë për viktimat e shumtë që humbën jetën tragjikisht.
“Në këto momente shumë të vështira të përballjes me tërmetin shkatërrimtar që goditi 🇹🇷&🇸🇾 natën e mbrëmshme, lutjet tona shkojnë për viktimat e shumtë që humbën jetën tragjikisht, duke shpresuar për sa më pak viktima të tjera në njerëz dhe një shërim të shpejtë të të plagosurve.”, tha Meta.
Kujtojmë se Turqia ka dhënë shumë ndihma për tërmetin e 26 nëntorit 2019.
