Ditën e premte një tërmet i fortë goditi Turqinë dhe pjesërisht Greqinë. Pas tërmetit, disa qytete bregdetare të Turqisë u përfshinë edhe nga një cunam, i provokuar nga lëkundjet sizmike.
Tashmë prej më shumë se tre ditësh forcat turke të kërkim-shpëtimit, janë në garë me kohën për të shpëtuar sa më shumë njerëz të mbetur nën rrënoja.
Ndërkohë që fatkeqësisht edhe numri i viktimave nga tërmeti, vijon që të rritet.
Deri më tani, autoritetet turke kanë bërë me dije se nga rrënojat janë nxjerrë 91 persona të pajetë.
Gjithashtu mësohet se numri i atyre që vijojnë të trajtohen në spitale është 155, ku 3 janë në rrezik real për jetën.
Ministri i Shëndetësisë sakaq ka bërë me dije se operacionet e kërkim shpëtimit do të vazhdojnë në 8 ndërtesa të shembura, në përpjekje për të shpëtuar personat të cilët ndodhen nën rrënoja./GazetaReforma.com/
