Midis të plagosurve të tërmetit tronditës që goditi brigjet e Turqisë dhe të ishujve grekë, ndodhet edhe një i mitur me kombësi shqiptare. E. M, nga Lezha, mësohet se ka mbetur i lënduar rëndë në ishullin grek të Samos.
14-vjeçari ka pësuar goditje në kokë, në këmbë si edhe ka thyer krahun.
Në orën 15.00 të ditës së sotme i mituri është transportuar me helikopter në një spital në Athinë.
Djali ishte duke u kthyer nga shkolla kur një mur që u shemb nga tronditjet e tërmetit e zuri poshtë.
Në Samos raportohet se kanë mbetur të plagosur 19 persona, ndërsa dy adoleshentë kanë humbur jetën.
