Sizmiologu i njohur grek, Vassilis Papazachos, ka deklaruar se tërmeti i fortë që ra pak më parë në Turqi dhe Greqi, ka për të sjellë edhe pasgoditje të tjera të fuqishme në orët dhe ditët e ardhshme.
Sizmiologu i ka bërë apel qytetarëve që të mos futen në shtëpitë dhe banesat e dëmtuara, pasi ato mund të shemben nga pasgoditja e radhës.
“Do të ketë një sekuencë të madhe pas tronditjesh, pas lëkundjesh që do të zgjasin për muaj të tërë, por me intensitet të madh në 48 orët e ardhshme dhe patjetër javën e ardhshme. Ekziston një mundësi që disa goditje të tjera të ndodhin pas tërmetit”, ka thënë sizmiologu grek.
Eksperti Papazachos u ka bërë thirrje qytetarëve që të mos hyjnë në shtëpitë e tyre, deri në momentin që të ndihen të sigurtë.
“Tërmetet e kësaj shkalle mund të sjellin fare lehtë një tërmet tjetër po kaq të fortë. Çdo ndërtesë që ka dëmtime nuk duhet të banohet deri sa të vlerësohet nga inxhinierët”, ka deklaruar sizmiologu./GazetaReforma.com/
