Para disa ditësh u shpallën zona ku do rindërtohen banesat e dëmtuara nga tërmeti në Thumanë, Shijak e Laç. (Lexo këtu).
Sot qeveria ka shpallur 18 zonat ku do të ndërtohen banesat e reja, përfshirë edhe Tiranën, Durrësin, Kavajën e Krujën.
Ka qenë ministri i Rindërtimit Arben Ahmatej ai që listoi 18 zonat, nga të cilat 9 janë në kryeqytet dhe pjesa tjetër në bashkitë e tjera.
Ahmetaj deklaroi se brenda pak ditësh do miratohet edhe modeli i banesave individuale që do të përfitojnë familjet në fshat dhe mënjëherë pas kësaj do të nisë procedura e prokurimit me tender të hapur.
Ndërtimi i shtëpive të reja do tenderohet nga Fondi i Zhvillimit dhe Enti Kombëtar i Banesave.
Kujtojmë se tërmeti i 26 nëntorit la të pastrehë mijëra vetë.
Rama ka deklaruar se dëmet e tërmetit janë mbi 1 miliardë euro, nga të cilat 700 milionë euro janë dëme nga shembja e banesave, ndërsa pjesa tjetër në fabrikat e biznesit dhe veprat publike.
Ai ishte në një vizitë me krerët e shtereve europiane, të cilët paraqitën kontributin e tyre për dëmet e shkaktuara nga tërmeti.
