Greqia prej disa muajsh është përfshirë nga lëkundjet sizmike, ku kanë qenë tepër të forta.
Sizmiologët kanë dhënë alarmin për të tjera lëkundje të forta. Paralajmërimet janë bërë për zonat ku edhe më parë ka pasur lëkundje të vazhdueshme.
Akis Tselentis është shprehur se këto tërmete vijnë si pasojë e tërmetit të fortë që tronditi Athinën në 19 korrik të këtij viti. Tselentis është shefi i Institutit të Gjeoshkencës në Greqi.
Edhe sizmiologë të tjerë kanë paralajmëruar se të tjera tërmete do të bien në këto zona dhe se madje këto zona që rrezikohen për të tjera lëkundje janë afër me Shqipërinë.
Mbrëmjen e djeshme një tjetër tërmet u shënua në Athinë, ku fuqia ishte 4.2 ballë e shkallës rihter.
Epiqendra e tërmetit ishte 21 km në veriperëndim të Athinës dhe thellësia ka në 9.6 km, sipas studimit të rishikuar të Institutit Gjeodinamik të Observatorit Kombëtar të Athinës.
Lëkundjet sizmike janë ndjerë në shumë zona të Athinës.
