Opozita dhe maxhoranca janë ulur sot në tavolinë, ku kanë arritur në konsensus për Reformën Zgjedhore.
Palët ranë dakord që reforma të bëhet me konsensus dhe të ‘nxirret’ nga Kuvendi, për të marrë pjesë dhe opozita jashtëparlamentare.
Ajo që shkaktoi debate të shumta, sidomos nga mbështetësitë e PD, është fakti që Oerd Bylykbashi u ul në një tavolinë me Damian Gjiknurin.
Ky i fundit është akuzuar nga PD për vjedhje votash.
Në përgjimet e “dosjes 184” të publikuara nga “Bild”, Gjiknuri në atë kohë ministër i Energjitikës dëgjohej teksa bisedonte me Imer Lalën, Robert Agën dhe Bekim Krashin, dhe festonin rezultatin spektakolar që PS arriti në Dibër në zgjedhjet lokale të 2016, me shprehjen: Tërmet, tërmet!
Mbrëmjen e sotme Bylykbashi dhe Gjiknuri kanë qenë të ftuar në “Opinion”.
Mirëpo, debatet dhe akuzat nuk mund të kalonin pa u përmendur nga gazetari Blendi Fevziu.
Ai e ka pyetur në mënyrë direkte Bylykbashin se pse u ul në tyezë me Gjiknurin, kur e akuzonte për blerje votash.
Mirëpo, ish-deputeti nuk dha një përgjigje.
“Për t’i ardhur në ndihmë” ndërhyri Gjiknuri, i cili i kërkoi Fevziut mos t’i vendoste në pozitë të vështirë të ftuarit.
Pjesë nga biseda
Blendi Fevziu: A e ke akuzuar Gjiknurin për vjedhje votash?
Bylykbashi: Atëherë…
Fevziu: A u ule prapë sot me Gjinurin për marrëveshje?
Bylykbashi: Shiko pak ne nuk e zgjedhim fare se kë çon Rama.
Gjiknuri: Fevziu, të lutem. E para po ç’fokusohemi nga ajo që kemi arritur. Kemi vendosur piketat për dialog. Ne do përpiqemi të shkruajmë rregulla. Akuza ka shumë dhe të gjitha akuzat janë politike. Ne duhet t’i ndajmë këto nga të dhënat konkrete. Të mos meremi me kështu kompleksesh se unë s’ka fare komplekse. As i akuzuar s’jam, as nën hetim nuk jam. Kemi rënë dakort për të dialoguar.
