Andon Nako, Mohamed Elshamy, Samir Ghonim, Abdou Elzantawy dhe Ibrahim Aboushahi, janë vënë në pranga nga policia pasi kanë marrë nga porti një velierë e cila ishte bllokuar nga policia. Të arrestuarit janë pjesëtarë të ekuipazhit të anijes së peshkimit që tërhoqi mjetin lundrues.
Po ashtu procedohet penalisht punonjësi i Policisë Kufitare Sarandë, Inspektor Astrit Memollari, që kishte për detyrë ruajtjen e mjetit lundrues veliere.
Njoftimi i policisë:
Shërbimet e Komisariatit të Policisë Sarandë, pas marrjes së njoftimit se në portin e Limionit, Sarandë, ishte marrë duke u tërhequr nga një anije peshkimi, një mjet lundrues tip veliere që ishte vendosur në sekuestro në muajin qeshor të këtij viti, menjëherë kanë organizuar punën dhe kanë nisur hetimet lidhur me ngjarjen, në drejtimin e Prokurorisë pranë Gjykatës së Shkallës së Parë të Juridiksionit të Përgjithshëm Sarandë dhe në bashkëpunim me Agjencinë e Mbikëqyrjes Policore (Rajoni Vlorë/Gjirokastër).
