Ish-presidenti amerikan Donald Trump në një lidhje telefonike për Stuart Varney nga Fox Business Network, u shpreh se Joe Biden duhet t’i kërkojë falje të gjithë botës për tërheqjen e SHBA-ve nga Afganistani. Ai e cilëson tërheqjen e trupave amerikane nga Afganistani si një katastrofë dhe turpërim për kombin.
Kujtojmë se ishte Trump, ai i cili në marrëveshjen e arritur me talebanët kishte vendosur majin si muaj tërheqjeje dhe e uli numrin e trupave në 2,500 përpara se Biden të merrte detyrën, e ka kritikuar ashpër këtë të fundit, për mënyrën sesi e realizoi operacionin e tërheqjes.
“Tërheqja ishte një katastrofë. Ata na thanë të largoheshim, ata na dhanë datën dhe kaq ishte. Ai operacion ishte një turpërim absolut për SHBA-të dhe admiralët dhe gjeneralët kanë të drejtë që të heqin dorë.”
Sipas Donald Trump, pasuesi i tij pra Joe Biden duhet t’u kërkojë falje amerikanëve dhe gjithë botës.
“Mendoj se gjëja më e mirë që ai mund të bëjë është t’u kërkojë falje amerikanëve dhe botës. E gjithë bota meriton një kërkim faljeje.”
Kujtojmë se mbrëmjen e djeshme u largua nga aeroporti i Kabulit pas 20 vitesh avioni i fundit i SHBA-ve. Lajmin e ka bërë të ditur Sekretari i Shtypit i Penatagonit, John Kirby.
