Kryeministri i vendit Edi Rama u përplas me BILD, vitin që lamë pas, pasi kjo e fundit publikoi përgjime për shit-blerje votash gjatë zgjedhjeve elektorale në Dibër e Durrës dhe në skandalin e përgjimeve për blerjen e votave ishin përfshirë disa zyrtarë të PS.
Mirëpo, disa javë më parë, kreu i qeverisë deklaroi se ka realizuar një takim me shefat editorialistë të BILD-it e se nuk ka nevojë që të hedhë gazetën në gjyq.
Kësaj çështjeje Rama i është rikthyer sërish mbrëmjen e sotme, në një lidhje direkte në “Çim Peka Live”, ku u shpreh se është tërhequr dhe ka një marrëdhënie miqësore me Bild, duke shtuar se ka kursyer dhe disa të holla nga arka e Partisë Socialiste.
“Nuk kam shumë të të thënë, e kam shkruar në atë që lexuar, që takimi me shefat e Bild ishte vërtet mbreslënës, nga pikëpmajka e komunikimit dhe duke qenë se krijuam një marrëdhënie njerëzore mu duk e pa motivuar dhe kurseva disa të holla nga arka e Partisë Socialiste. Sot që flasim kam një marrëdhënie miqësore me ta. Të tjerat janë spekulime siç e thotë reklma juaj e Qimi.net”, u shpreh Rama.
Më tej ai u pyet edhe për padinë kundër Ylli Rakipit, për të cilin tha se do vijojë përballjen në gjyq, pasi gazetari ka bërë akuza penale kundër tij dhe duhet të përballet në gjykatë.
“Nuk është e njëjta gjë, pavarëisht se dhe me Ylli Rakipin të takohem dhe të gjej njerëzohen dhe tek ai. Po ta kërkosh e gjen dhe njerëzoren tek Ylli. Por nuk ka asnjë gjë krahasuese, pasi Ylli ka bërë akuza barbare ndaj meje”, u shpreh Rama.
Rreth 3 muaj më parë kryeministri Edi Rama ka paditur në gjykatë gazetarin Ylli Rakipi për fyerje dhe shpifje në dëm të tij.
