Epidemiologu Ilir Alimehmeti teksa ka folur për situatën epidemiologjike në vendin tonë iu ka dhënë përgjigje të gjitha teorive konspirative që qarkullojnë në lidhje me vaksinat anti-COVID. Alimehmeti ka mohuar në mënyrë kategorike se vaksina ndikon në fertilitetin e femrave apo meshkujve.
Epidemiologu thekson se ende nuk ka fakte konkrete në lidhje me këto supozime pasi vaksinat kanë 8 muaj që kanë dalë dhe duhen pritur bebet e para nga nënat shtatzëna që normalisht lindin në muajin e 9-të. Ilir Alimehmeti tha ndër të tjera se grave shtatzëna u jepen edhe këshilla të panevojshme, ndonjëherë për siguri.
“Nuk ka siguri. OBSH ka vënë prag 50. Po ta shihni ky është kriteri që mjafton. Sërish them kjo 50, jo detyrimisht e dimë çfarë është. Është vendosur me konsensus. Në mjekësi gjithmonë diku e vendosin vizën. Mund të jetë momenti kur antitrupat kanë rënë qetësi dhe më pas ngrihen lart. Ka njerëz që i bëjnë muaj për muaj analizat dhe rezulton se ka dhe ngritje.”, ka thënë Alimehmeti.
Po ashtu pyetjes se a ndikon vaksina në fertilitetin e meshkujve, Alimehmeti ka thënë se nuk ndikon.
“Vaksina nuk shkakton fertilitet. Nuk është çështja aty. Në shëndetësi duam të bëjmë studimet, të kemi disa fakte. Pse s’kemi fakte? Se vaksinat janë bërë në janar. 8 muaj kanë kaluar. Shtatzënia zgjat 9 muaj. Duhen bebet e para me nëna dhe baballarë që janë vaksinuar para shtatzënisë. Nuk ka sinjal apo flamur të kuq për kujdes. Është diçka sensitive dhe dihet që nënave shtatzëna u jepen mijëra këshilla, madje i ngarkojmë edhe me të panevojshme. A ka ndonjë problem të madh sikur planifikimi i shtatzënisë të shtyhet me 6 muaj? Sikur të bëhet vaksina tani, e të shtyhet me disa muaj shtatzënia…?”, ka thënë epidemiologu në emisionin “Kjo javë”.
