Prej dy muajsh Coronavirusi po mban në ankth globin teksa ka vrarë 639 persona dhe ka infektuar më shumë se 31,000 në më shumë se 25 vende dhe territore.
Prej javësh Organizata Botërore e Shëndetit ka shpallur emergjencën botërore nga virusi vdekjeprurës, që po përhapet çdo ditë e më shumë.
Në këto kushte, teoritë për lindjen e coronavirusit janë të shumta, ndonëse është marrë si i mirëqenë fakti që ai është përhapur nga tregu i mishit në Wahan, në Kinë. (Lexo këtu)
Por, Rusi ka një mendim krejt tjetër rreth përhapjes së virusit dhe madje po e shpreh edhe në televizionet kombëtare, ndonëse mbetet një “teori konspirative”.
Një nga rrjetet kryesore televizive kombëtare, Channel One, madje ka nisur një rubrikë kushtuar teorive të coronavirusit në programin kryesor të lajmeve të mbrëmjes.
Sipas televizioni, shkaku i vërtetë i përhapjes së virusit janë SHBA dhe Trump.
Ndonëse nuk janë të qartë në argumentimin e tyre, rusët nisen nga prania e fjalës “corona” (që do të thotë kurorë si në latinisht ashtu edhe në rusisht) në fjalën coronavirus dhe nga kjo nënkuptojnë se Donald Trump është i përfshirë në një farë mënyre.
Me sa duket, kjo ndodh për shkak se ai kryesonte konkursit e bukurive, duke u dorëzuar fituesve kurorat e tyre.
Korrespondentja e Channel One citon më pas teoritë e komplotit në internet se shpërthimi i coronavirusit prek vetëm aziatikët dhe mund të jetë një lloj “shfarosje etnike”.
Sipas shkencatarëve, virusi u quajt kështu për shkak të qimeve që dalin rreth e rrotull membranës, duke ngjasuar me një kurorë.
Tashmë, presim një reagim nga SHBA mbi këto akuza.
