Dy shtetas nga Kameruni dhe një ganez, janë arrestuar nga policia në Rinas.
Në pranga ranë:
J.B., 21 vjeç, lindur dhe banues në Kamerun (organizator);
B. A., 34 vjeç, lindur dhe banues në Gana;
J. B., 23 vjeç, lindur dhe banues në Kamerun;
Si dhe u shpallën në kërkim shtetasit francezë:
D. I. dhe B. Y.
Nga hetimet rezulton se B.A., nëpërmjet parave ka siguruar nga J.B., një pasaportë të shtetasit francez B.Y.
Duke përfituar nga ngjashmëria fizike ai ka tentuar që të udhëtojë nga Rinasi drejt vendeve të BE-së.
Gjithashtu është zbuluar, se 23- vjeçari J.B. ka siguruar nga 21- vjeçari B.Y., kundrejt shumës monetare, një pasaportë që i përket shtetasit francez B.Y.
Dyshohet se pjesë e kësaj skeme janë edhe shtetas shqiptarë.
Njoftimi i policisë
Rinas
Finalizohet një tjetër operacion për parandalimin e kalimit të paligjshëm të kufirit.
Operacioni i koduar “Shpërblimi” u zhvillua nga Policia Kufitare e Rinasit, në bashkëpunim me Seksionin për Hetimin e Trafiqeve të Paligjshme në Drejtorinë Vendore të Policisë Tiranë.
Vihen në pranga tre shtetas nga Gana dhe Kameruni, si dhe shpallen në kërkim dy të tjerë nga Franca.
Sekuestrohen pasaporta e karta identiteti që do përdoreshin me anë të ngjashmërisë, për të kaluar kufirin drejt vendeve të BE-së.
Në vijim të goditjeve të njëpasnjëshme të realizuara nga Policia Kufitare e Rinasit, në bashkëpunim me Seksionin për Hetimin e Trafiqeve të Paligjshme në Drejtorinë Vendore të Policisë Tiranë, në Rinas u godit një tjetër rast i tentativës për kalim të kufirit me dokumente me ngjashmëri.
Si rezultat i informacionit të marrë në rrugë operative dhe shkëmbimit në kohë të informacionit mes Policisë Kufitare të Rinasit dhe Seksionit për Hetimin e Trafiqeve të Paligjshme në Drejtorinë Vendore të Policisë Tiranë dhe falë koordinimit të veprimeve në terren që zgjatën gati 48 orë, u finalizua me sukses operacioni policor i koduar “Shpërblimi”, në kuadër të të cilit u bë kapja dhe arrestimi në flagrancë i shtetasve:
- J. B., 21 vjeç, lindur dhe banues në Kamerun (organizator);
- B. A., 34 vjeç, lindur dhe banues në Gana;
- J. B., 23 vjeç, lindur dhe banues në Kamerun;
Si dhe u shpallën në kërkim shtetasit francezë:
- D. I. dhe B. Y.
Nga hetimet e kryera nga ana jonë ka rezultuar se shtetasi B. A., kundrejt shpërblimit monetar, ka siguruar nga shtetasi J. B., një pasaportë franceze që i përkiste shtetasit D. I. dhe duke përfituar nga ngjashëria fizike me këtë shtetas ka tentuar të udhëtojë me këtë pasaportë nga aeroporti i Rinasit në drejtim të vendeve të BE-së.
Po nga hetimet ka rezultuar se 23-vjeçari J. B., kundrejt shpërblimit monetar ka siguruar nga 21-vjeçari J. B., një kartë identiteti franceze që i përket shtetasit B. Y. dhe duke përfituar nga ngjashëria fizike me këtë shtetas ka tentuar të udhëtojë me këtë pasaportë nga aeroporti i Rinasit në drejtim të vendeve të BE-së.
Nga hetimet e kryera nga ana jonë dyshohet se ka bashkëpunëtorë edhe shtetas shqiptar, për të cilët po punohet për identifikimin e tyre.
Materialet proceduriale do t’i kalojnë Prokurorisë pranë Gjykatës së Shkallës së Parë Tiranë, për veprime të mëtejshme hetimore, për veprat penale “Ndihma për kalim të paligjshëm të kufirit” dhe “Falsifikimi i letërnjoftimeve, pasaportave ose i vizave”.
