Shtetet e Bashkuara të Ameriëks kanë vendosur sansksione ndaj 4 zyrtarëve të inteligjncës iraniane, pasi dyshohet se kishin nën shënjestër një gazetar irano-amerikan dhe aktivist të të drejtave të njeriut që jetonte në SHBA dhe disidentët iranianë në vende të tjera në një përpjekje për të heshtur kritikët e qeverisë iraniane.
Zyra e Thesarit për Kontrollin e Aseteve të Huaja tha në një deklaratë për shtyp të premten se zyrtarja e lartë e inteligjencës me bazë në Iran, Alireza Shahvaroghi Farahani udhëhoqi një grup oficerësh të inteligjencës iraniane në një komplot për të rrëmbyer një gazetar dhe aktivist të të drejtave të njeriut me qendër në SHBA.
Megjithëse nuk përmendet me emër në deklaratën e Thesarit ose në faqen e saj në internet, gazetari me sa duket është Masih Alinejad, një reporter i cili ka kontribuar në Zërin e Amerikës në gjuhën persiane, të financuar nga qeveria amerikane dhe raportet mbi çështjet e të drejtave të njeriut në Iran dhe rasti i të cilit përfshin oficerët e inteligjencës iraniane kanë bërë lajme ndërkombëtare.
“Komploti i rrëmbimit të qeverisë iraniane është një shembull tjetër i përpjekjes së saj të vazhdueshme për të heshtur zërat kritikë, kudo që të jenë. Synimi i disidentëve jashtë vendit tregon se represioni i qeverisë shtrihet përtej kufijve të Iranit”, tha Drejtori i Zyrës së Kontrollit të Pasurive të Huaja Andrea M Gacki në deklaratë.
Komploti i dështuar për të rrëmbyer gazetarin çoi në ngritjen e aktakuzës së grupit në Gjykatën e Qarkut në SHBA për Qarkun Jugor të Nju Jorkut në fund të korrikut. Grupi prej katër personash akuzohet për komplot në lidhje me rrëmbimin, shkeljet e sanksioneve, mashtrime bankare, dhe pastrimin e parave.
