Policia e Tiranës ka arrestuar 29-vjeçarin M. N., i kërkuar për tentativë vrasjeje që ndodhi në shtator 2024.
Ai akuzohet se, në bashkëpunim me babanë dhe vëllanë e tij, tentoi të vrasë kushëririn e tij, E. N., me armë zjarri.
Operacioni, i koduar “Lokacioni”, u realizua nga Komisariati Nr. 3 dhe Seksioni për Hetimin e Krimeve të Rënda, pas sigurimit të informacionit për vendndodhjen e të kërkuarit. Pas arrestimit, Gjykata e Tiranës i caktoi masën e sigurisë “Arrest në burg”.
Ngjarja ndodhi më 11 shtator 2024, kur, gjatë një konflikti, M. N., bashkë me babanë dhe vëllanë, tentuan të vrasin kushëririn e tij.
Dy të afërmit e tij u arrestuan menjëherë, ndërsa M. N. ishte në arrati deri në këtë operacion.
Materialet i janë referuar Prokurorisë së Tiranës për veprime të mëtejshme.
