Lehtësimi i masave anti-covid nga qeveria është pasuar me një sërë vrasjesh dhe plagosjesh gjatë dy javëve të fundit.
Së fundmi, një 45-vjeçar është arrestuar nga policia, pasi qëllloi me thikë kunatin e tij, A.B.
Ngjarja është regjistruar në rrugën “Emin Duraku” në kryeqytet.
Autori i plagosjes, R.R., u largua menjëherë sapo pa forcat e policisë, por është arrestuar pas disa orë ndjkeje.
Materialet i kaluan Prokurorisë për veprime të mëtejshme.
Njoftimi i policisë:
Tiranë
Parandalohet përshkallëzimi i mëtejshëm i një konflikti mes dy personave.
Vihet në pranga 45-vjeçari që tentoi të vriste me thikë kunatin e tij, i cili ndodhet jashtë rrezikut për jetën.
Shërbimet e Komisariatit të Policisë Nr. 2, pas njoftimit të marrë se në rrugën “Emin Duraku” kishte konflikt mes dy shtetasve, ku një prej tyre kishte goditur me thikë shtetasin tjetër, kanë shkuar menjëherë në adresën e dhënë.
Në momentin që shërbimet e Policisë janë afruar në vendin e ngjarjes, shtetasi R. R., 45 vjeç, është larguar me shpejtësi. Në ndjekje të tij janë vënë forca të shumta të Komisariatit të Policisë Nr. 2 dhe pas disa orë ndjekjeje dhe kontrollesh kanë bërë të mundur kapjen e tij.
Në përfundim të veprimeve u bë arrestimi i shtetasit R. R., pasi gjatë një konflikti për motive të dobëta goditi me thikë kunatin e tij shtetasi A. B.
Materialet i kaluan Prokurorisë, për veprime të mëtejshme, për veprat penale “Vrasje me dashje” e mbetur në tentativë, “Dhuna në familje” dhe “Mbajtja pa leje e armëve të ftohta”.
