Gjykata e Vlorës ka caktuar masën e sigurisë “Arrest në burg” për Endrit Sadedinin, i arrestuar tre ditë më parë gjatë një operacioni policor në lagjen “Pavarësia”.
Seanca gjyqësore u drejtua nga gjyqtarja Alba Ngresi, e cila miratoi kërkesën e prokurorisë së Vlorës. Sadedini akuzohet për “armëmbajtje pa leje”.
Më 19 shkurt, policia e Vlorës ndërmori dy operacione në qytet, ku si rezultat u arrestua 38-vjeçari Sadedini, i konsideruar me rrezikshmëri të lartë shoqërore.
Gjatë këtyre aksioneve, u zbuluan gjithashtu edhe dy shtëpi bari.
Në momentin e ndalimit, Sadedini tentoi të hapte zjarr ndaj forcave të policisë. Ai është një emër i njohur për autoritetet, pasi ka shpëtuar nga dy atentate të mëparshme, përfshirë një sulm me tritol më 19 dhjetor 2021.
Gjithashtu, në vitin 2019, në makinën e tij u vendos një sasi e madhe eksplozivi, por ai e pikas në kohë, duke shmangur shpërthimin.
