Drama mes çiftit që për pak sa përsëriti tragjedinë e Alma Arrazit duket se sërish në thelb ka qenë tradhëtia në çift. Për ngjarjen sot janë përballur bashkëshorti i 27-vjeçares, Ajet Isufi dhe e ëma e të resë që kishte ndërmend të kryente aktin e vetëvrasjes jo vetëm të saj, por edhe të tre fëmijëve. E ëma e 27-vjeçares, në emisionin ‘Me zemër të Hapur” pretendoi se Ajeti e kishte nxjerrë nga shtëpia 27-vjeçaren së bashku me katër fëmijët e mitur, si edhe kishte ushtruar dhunë ndaj të bijës. Ndërsa dhëndri, e akuzuar për kërcënime.
DEBATI MES TYRE:
E ëma: I kemi dërguar për të ngrënë, i kemi mbajtur me të gjitha të mirat. I dimë të gjitha gjërat e tij, tani e 8 vite. Ka ngacmuar shoqet e punës time, më ka thënë “a është Ajeti ky”. Edhe në 12 të natës kemi shkuar për problemet që ka pasur Ajeti, se na merrte goca në telefon. Jemi lodhur shumë me këtë muhabet, në 8 vite.
Ajet Isufi: Kam 8 vite që kërcënohem prej burrit tënd.
E ëma: Kamerat i kemi të regjistruara. Vajza dhe fëmijët janë shumë të mirë. Kam shkuar ta marr në Tiranë, e ka lënë mes katër rrugëve. E ka nxjerrë nga shtëpia me 4 fëmijët. Atë natë i rashë vajzës në telefon dhe nuk dinte të tregonte se ku ishte. Më tha më ka nxjerrë jashtë me gjithë fëmijët, e ka strehuar komshia që i kishte dhënë me qira.
Ajet Isufi: Mashtron!
E ëma: Ai ishte larguar, ka pasur probleme edhe me pronarët e shtëpisë, kanë kapur vajzën dhe ia ka thënë. Unë i kam të gjitha fotot, dhunimin e vajzës që i ka bërë.
Por problemet mes tij dhe të shoqes, duket se i kanë vrarë ndërgjegjien të riut, i cili u shpreh pasi e shoqja të bëhet mirë do kthehen së bashku dhe se nuk do ta tradhtojë më. Duke i bërë kështu një premtim publik!
“Është e vërtetë që kam pasur lidhje tjetër dhe ajo e dinte këtë çështje, nuk dua ta zgjas. Po, e di edhe gruaja ime. Kjo ka ndodhur kur jemi ndarë, pa divorc. Edhe tani pa divorc jemi ndarë. Kur kemi qenë ndarë, mendova se nuk kthehet më gruaja. U ndamë 3-4 muaj të ndarë, isha në lidhje tjetër por vendosëm ë bashkoheshim për hatër të fëmijëve. Para 3 muajsh vendosëm të bashkoheshim. Ajo ma ka falur për hatër të fëmijëve. Por kjo punë është kryer, dua vetëm që prindërit e saj të dalin para drejtësisë. Sapo pashë lajmin kam shkuar në policinë e Shkodrës, pata përplasje i thashë pse s’më keni lajmëruar. Sot shkova sepse policia të hetojë tek familja e gruas, për të parë se çfarë ka ndodhur. Nuk kam pasur kontakt me gruan, as me fëmijët. Më kanë thënë që janë mirë dhe mos u bëj merak. Shpresoj që gruaja të bëhet mirë dhe dua të shkojë në polici e të tregojë të vërtetën. Do të vazhdoj të jemi bashkë, ajo është gruaja ime dhe do të vazhdojë të jemi bashkë. Nuk do të ndodhë më tradhtia,”- tha Ajet Isufi.
Megjithatë, shton se për aktin e rëndë, gruaja e tij është shtyrë nga një debat që ka pasur me të ëmën e saj dhe se ditën e ngjarjes ai nuk ndodhej fare në Shkodër, por kishte shkuar për punë në Mal të Zi.
“Unë i pranoj gabimet e mia, kam pasur shumë raste, por të dalin para drejtësisë, e ëma të dalë të tregojë të vëretën. E vërteta është se nga ora 13:20 janë përplasur me debate të ashpra, e ëma dhe me të bijën, ka pasur përplasje të fuqishme mes tyre. Gabimet e mia, kam menduar se më ka tradhtuar por kam qenë unë gabim. Nuk ka kam rrahur, debatet kanë qenë të ashpra por jo deri në ekstrem. Unë marrë me gruan i kam shumë mirë. Mua më doli një punë dhe shkova në Mal të zi, ajo iku tek një shoqe, e mori ajo përsipër. Qëndroi me shoqen 10 ditë-2 javë. Kam qenë në shtetin malazez dhe hyra në internet kur pashë lajmin që shtetasja **** tentoi të mbytej me 4 fëmijë. Më ka marrë në telefon rreth 1 orë para ngjarjes, më tha ‘Ajet po të marr për herë të fundit’, ndaj më shkoi në sekond mendja tek gruaja. Për shkak të familjes së saj, sepse ka pasur debate me ta, ka tentuar edhe të vetëvritet rreth 3 muaj më parë. Kisha dy javë që isha larguar. E vuri në lojë shoqja e vet, i tha hajde se të mbaj unë Shoqja e hodhi në rrugë dhe iku tek familja e saj. I thashë mos shko tek familja jote. Nuk jam dhe as nuk kam qenë në proces divorci, janë shpifje të nënës së gruas. Nuk duan të na shohin mirë, i vetmi person, i ati futet mes çiftit. Prej 9 vitesh nuk kam pasur asnjë ditë të mirë. I thoshin vajzës që lëre se të mbajnë ne me katër fëmijë, i thosha “çfarë po thoni, jam i martuar me tyre. Jemi njohur në FB, e nisëm si shokë dhe u lidhëm. Në fejesë filluan debatit, i ati ndërhynte në familje. Nuk kanë qenë dakord për lidhjen tonë, nuk e dimë akoma arsyen. Ajo ka ikur nga banesa për t’u martuar me mua. Atë ditë që ka ardhur tek unë, është nisur me biçikletë. Familja e saj na ka shkatërruar. Ajo ka qenë 18-vjeçe. Ajo gradualisht i vendosi marrëdhënien me prindërit e saj. Thjesht nuk donin të më shikonin me vajzën e tyre, atë e dinë ata,”-tregoi ai ndër të tjera.
Ngjarja e rëndë u parandalua mesditën e 17 korrikut, ku nëna me 4 fëmijë tentoi që të mbytej në lumin Buna, duke përsëritur skenarin e Alma Arrazit, e cila i dha fund jetës së bashku me tre të vegjlit e saj.
