Një tjetër ngjarje e rëndë është regjistruar në Korçë në orët e vona të mbrëmjes së sotme. Këtë herë bëhet fjalë për një grabitje që ka ndodhur rreth orës 22:30 në afërsi të varrezave të dëshmorëve. Sipas të dhënave, mësohet se në momentin që makina me targë AB 126 CF ka qenë e ndaluar kur një person ju është afruar me qëllim për t’i grabitur.
Ndër të tjera bëhet me dije se në momentin e tentativës për grabitje, drejtuesi i mjetit ka dalë nga makina dhe ka vrapuar për t’u larguar ndërsa ka lajmëruar edhe policinë.
Ndërkohë, autori ende i paidentifkuar është larguar në drejtim të paditur.
Forcat e policisë kanë mbërritur në vendin e ngjarjes dhe janë duke punuar për zbardhjen e rrethanave të tentativës për grabitje e gjithashtu po punojnë për kapjen e autorëve. Në komisariat është shoqëruar çifti që ra pre e krimit për të dhënë më shumë detaje për ngjarjen.
Ditët e fundit, lajmet e kronikës kanë qenë të shumta në vend duke filluar nga aksidentet e deri te vrasje. Një aksident i rëndë ndodhir në rrugën Fier-Vlorë, ku humbën jetën 4 anëtarë të një familjeje, ndërsa në Velipojë u vranë 4 persona e u plagosën 2 të tjerë për shkak të konflikteve për pronën.
