Një burrë në Brazil tentoi që të ngacmonte seksualisht një grua në autobus, por e pëson keq. Gruaja, e cila merret me arte maciale, shihet teksa e godet në hundë dhe më pas e kap nga qafa. Nga presioni i madh i shtrëngimit, ai filloi të humbë forcën dhe të rrëzohet.
E gjithë skena është filmuar nga pasagjerët, të cilët nxorën menjëherë telefonat për të fiksuar momentin, duke e shpërndarë më pas në rrjetet sociale. Pra në këtë rast pasagjerët janë treguar spektatorë të ngjarjes “argëtuese” për ta, por nuk dimë se sa ndihmues do të kishin qenë ata, nëse gruaja nuk do të ishte në gjendje të mbronte veten se saj.
Ky nuk është rasti i vetëm që një femër i përgjigjet dhunshëm një sulmi seksual në autobuz, në përpjekje për të mbrojtur veten e saj.
E përtej videos që të jep një ndjesi adrenaline kur shikon se si burri vendoset me “shpatulla pas murit” nga gruaja , vlen të theksohet se ngacmimi seksual përbën një vepër penale dhe si i tillë duhet të ndërshkohet nga autoritetet përkatëse.
Kur gjinia femër është vulnerabël ndaj ngacmimeve seksuale në një ambient publik siç janë autobuzët, ideja se çfarë mund të ndodhë në ambiente të vetmuara dhe jo publike rezulton e frikshme.
