Në programin “Koha për t’u zgjuar”, mjeku Luçiano Bardhi ka folur për rritjen e rasteve me tension të lartë dhe faktorët që ndikojnë në këtë problematikë.
Ai shpjegoi se tensioni i lartë nuk lidhet drejtpërdrejt me zemrën, siç mendohet shpesh.
Mjeku u bëri thirrje pacientëve që kurohen për hipertension të mos ndërpresin medikamentet pa u konsultuar me mjekët, duke theksuar rëndësinë e trajtimit të duhur dhe të mbikëqyrur.
“Tensioni i lartë një çështje e zakonshme sot. Sot ushqime që i themi Junk food janë shtuar shumë dhe një nga shkaktarët e tensionit të lartë janë ushqimet e mbyllura.
Tensioni i lartë lidhet me veshkën, shumë të pakta janë rastet kur tensioni i lartë bëhet nga zemra. Armiku më i madh i tensionit është sheqeri jo kripa, pra ndikojnë ushqimet me përbërje të lartë glukoze.
Ndikojnë shumë ushqime të tilla si molto, sufllaqe, hamburger, alkooli dhe pijet e gazuara.
Tensioni i lartë influencohet nga dëmtimi i veshkës, jo nga zemra. Veshka është ajo që bën balancën. Tensioni i lartë do të thotë varfërim i mineraleve në zemër”, tha ai.
