Gjatë përplasjes mes banorëve dhe forcave të IKMT-së dhe policisë në Theth, një grua ka humbur ndjenjat dhe është transportuar me urgjencë drejt ambulancës për të marrë ndihmën mjekësore.
Aksioni për shembjen e ndërtimeve pa leje ka sjellë tension në zonë, ku banorët kanë kundërshtuar ndërhyrjen e autoriteteve.
Për shkak të rezistencës, është shtuar prezenca e forcave të rendit.
Të enjten në mëngjes, në terren ka qenë e pranishme edhe drejtoresha e IKMT-së, Dallëndyshe Bici, e cila ka kërkuar intensifikimin e aksionit.
Sipas inspektoratit, në zonë janë identifikuar rreth 70 deri në 80 objekte të ndërtuara pa leje që do të shemben.
Fillimisht ishte planifikuar që ndërhyrja të zgjaste pesë ditë, por autoritetet nuk përjashtojnë mundësinë që operacioni të shtyhet, për shkak të përplasjes me banorët.
