Ditën e sotme është shoqëruar me tensione mbledhja e Byrojës së Kuvendit, ku po shqyrtohej ankimimi i dy deputeteve të PD-së, Albana Vokshi dhe Elda Hoti, të cilat u përjashtua nga seancat plenare për 10 ditë.
Dy deputetet kërkuan mbledhjen e Byrosë, seancë që u shoqërua me tone të larta dhe ofendime mes përfaqësuesve të opozitës dhe atyre të maxhorancës.
Deputetët opozitar Noka, Bardhi, Vokshi dhe Dhurata Çupi debatuan me deputetet socialiste Felajn dhe Bushkën, ndërsa ato ikën nga salla.
“Turp, ju përfaqësoni krimin”, iu drejtua Noka përfaqësuesve të PS-së.
“Ku i ke fshehur deputetët? Jeni të frikësuar nga protesta”, dëgjohet teksa thotë Vokshi.
Pas këtyre debateve, deputetët e maxhorancës janë larguar nga mbledhja që të shmangnin tensionin e krijuar në sallë.
