Ditën e sotme në orën 12:00 është lajmëruar se në Tropojë do të mbahej ceremonia mortore e grabitësit të vrarë në Rinas, Admir Muratajt.
Ky ka qenë edhe shkaku pse në burgun 313, ku është duke u mbajtur aktualisht Aleksandër Murataj, vëllai i të ndjerit, ka pasur tensione dhe kjo për shkak se Drejtoria e Përgjithshme e Burgjeve nuk i ka dhënë leje të vëllait për të qenë i pranishëm në varrim.
Kjo sigurisht që ka zgjuar zemërimin jo vetëm të Aleksandër Muratajt, por edhe të shokëve të tij të burgut, gjë që ka shkaktuar një situatë të pazakontë.
Më shumë zemërimi ishte për arsyen sepse kërkesa për lejë është dërguar dy ditë më parë dhe ditën e sotme ka ardhur përgjigjja negative.
Ashtu edhe siç është bërë e ditur më herët, Aleksandër Murataj ka marrë një dënim prej 16 vitesh burg për vjedhjen e 2 milinonë eurove nga blindat në Rinas dy vite më parë.
