Dita e sotme është kthyer në ditë përplasjes, pasi nga njëra anë është Parlamenti dhe nga ana tjetër mesa duket është Asambleja e Prokurorëve,e cila nuk është duke shkuar siç pritej.
Debati ka nisur në momëntin që do të bëhej zëvendësimi i Antoneta Sevdarit nga KLP, ku kryeprokurorja Arta Marku është përballur me prokurorin Sokol Malaj.
Gjithçka ka nisur për shkak të votimit të zëvendësuesit, ku në vend të Sevdarit do të vendosej Vate Staka, mirëpo Malaj ka kërkuar ndryshim të rregulloher.
Prokurori ka thëën se kandidati duhet të quhet fitues nëse merr “50 plus një”.
“Prokurorja e Përgjithshme e Përkohshme thotë me frymën e ligjit. Me kë fryme ligji? Ne duhet të hedhim propozimin në votë, dhe asambleja vendos”, ka thënë Sokol Malaj.
Marku është kundërpërgjigjur, duke i kujtuar se mbledhjen e drejtonte ajo.
“Kush nuk do të marrë pjesë në votim, të largohet. Pastaj ankimet bëhen në Gjykatën e Apelit. Dilni jashtë. Mbledhjen e drejtoj unë”, është shprehur Marku. Mirëpo i menjëhershëm ka qenë edhe reagimi i Malajt, i cili ka thënë se kryeprokurorja nuk mund t’i tregojë largimin prej mbledhjes.
Megjithatë mbledhja ka përfunduar pa incidente të mëtejshme dhe Vate Staka është vendosur në KLP në vend të Antoneta Sevdarit, të cilën e rrëzoi Kolegji i Posaçëm të Apelimit.
