Deputeti i Partisë Demokratike, Helidon Bushati ka denoncuar se fituesi i tenderit për 7 lotet e Unazës është i paracaktuar. Në një postim në rrjetin soial “Facebook”, Bushati shkruan se proceduart janë mbyllur që më 15 shtator, por ARRSH-ja vonon të shpallë rezultatet.
Bushati thotë se tenderat e Unazës së Madhe janë një pazar i shëmtuar i ARRSH-së me kompani që janë në pronësi të njerëzve të lidhur me qeverinë. Ai bën me dije më tej se në Lotin 1, që ka dhe vlerën më të madhe prej 2.5 miliardë lekë të reja, është loti ku kërkohet edhe numri më i ulët i punëtorëve.
Bushati pyet në mënyrë të drejtëpërdrejtë ARRSH-në nëse do të anulohet Loti 1 i parashikuar për një ndër klientët më të afërt të Kryeministrit që aktualisht po punon në segmente të Unazës se Re në ndërtim e sipër.
Postimi i plotë i Bushatit:
NUK KA KRIZË QË NDALON KORRUPSIONIN E “MAMUTHIT RAMA”
Unaza e Madhe, eshte kthyer ne nje mal të vertetë korrupsioni, ku ARRSH ushqen me miliarda klientët e qeverisë.
Fituesit e 7 loteve të Unazës, duken qartë se janë të paracaktuar.
Procedurat tenderuese janë mbyllur me 15 shtator dhe ARRSH-ja, vonon te shpalle rezultatet.
Natyrshëm lindin një seri pyetjesh:
– Pse vonohet ARRSH-ja ne shpalljen e këtyre rezultateve?
– Mos valle po gatit çorbën e radhës për t’u siguruar qe tenderat shkojnë tek fituesit e paracaktuar ashtu siç është përfolur?
– A mos ka ndonjë fitues te paracaktuar qe nuk ka arritur te dorëzojë dokumentat e tenderit?
– Mundet valle qe te anullohet ndonjë nga këto tendera për siguruar mbushjen e premtimeve ndaj fituesve te paracaktuar?
Tenderat e Unazës se Madhe, janë një pazar i shëmtuar i ARRSH-se me kompanitë ne pronësi te njerëzve te lidhur me qeverinë. 7 segmente rrugore te njëpasnjëshme, nga të gjitha anët janë te ngjashëm njeri me tjetrin por kriteret e vendosura janë jashtëzakonisht te ndryshme nga njeri tjetri, kritere qe plotësohen vetëm nga fituesit e paracaktuar.
Keshtu ne Lotin 1,i cili eshte edhe ai qe ka vleren me te madhe prej 2.5 miliard lek te reja, eshte edhe loti i cili ne absolut kerkohet numri me i ulet i punonjesve 145,stafit kryesor 6, kamioneve 10 dhe eskavatoreve 4.Nderkohe qe ne lotin 6 qe ka vleren me te ulet, 1.8 miliard lek te reja, kerkohen 250 punonjes,9 staf kryesor,21 kamiona dhe 9 eskavatore.
Ndërkohe kur vendi po zhytet në varferi dhe shtresa e të varfërve po rritet në mënyrë të frikshme, qeveria shqiptare ndan nën rrogoz tendera për kompanitë që gllabëronjë parat e qytetarëve.
Partia Demokratike por dhe Institucionet ndërkombëtare, kane shprehur ne mënyre te vazhdueshme kritikat e tyre ndaj mungesës se konkurrencës dhe transparencës ne tenderat e zhvilluar ne Shqipëri.
E pyesim ARRSH-në: A do te anullohet Loti 1 i parashikuar për nje nder klientet me te afert te Kryeministrit qe aktualisht po punon ne segmente te Unazes se Re ne ndertim e siper?
Perse Loti 1 nuk shfaqej dhe nuk shfaqet fare ne faqen elektronike te Agjensise se Prokurimit?
A do te ndodhe ky fenomen me Lotin 1 sepse kjo kompania e paramenduar te fitoje harroi te dorëzojë letrat ne këtë tender?
Po me Lotin 3 “Sheshi Shqiponja – Bulevardi i ri – Shkozë, Urat mbi lumin Tirana” çfarë do te ndodhe? A do t’i jepet edhe ky tender dy kompanive te paracaktuara?
Cdo qytetar edhe ai qe nuk ka ekspertize ne kete fushe e kupton qe keto kritere jane vene per te paracaktuar fituesin e radhes
Ka shembull pas shembulli qe vërteton paracaktimin e fitueseve.
Cfare do te beje ARRSH-ja per te mbajtur premtimet ndaj kompanive te paracaktuara fituese?
