“Tempulli 3”, Gjykata e Tiranës jep vendimin për 20 të ndaluarit”

Gjykata e Tiranës ka vendosur që 20 persona të ndaluar gjatë operacionit policor “Tempulli 3” të mbahen në burg. Vendimi u mor nga gjyqtari Dritan Hallunaj, pasi prokurori Albert Demirneli kërkoi masën e arrestit. Sipas hetimeve, ky grup dyshohet se ka shpërndarë lëndë narkotike në disa pjesë të kryeqytetit. Gazetarja Klodiana Lala raporton se, me ndihmën e agjentëve të infiltruar, u bënë blerje të kokainës, çka çoi në këto arrestime. Gjithashtu, janë shpallur në kërkim edhe 10 persona të tjerë të lidhur me këtë rast.