Kjo fundjavë për vendin tonë do të jetë jo e favorshme për të kaluar ditët jashtë me familjen.
Sipas Shërbimit Meteorologjik Ushtarak mësohet se mbrëmjen e sotme një ciklon do të përfshijë vendin dhe do të vazhdojë edhe ditën e neserme, madje deri në orët e mëngjesit të së hënës.
Gjatë fundjavës pritet të hyjnë masat ajrore të ftohta dhe të lagështa, me origjinë veriperëndimore.
Do të ketë vranësira të dendura dhe reshje shiu të herëpashershme, me intensitet të ulët dhe kryesisht mesatare, por në jug e kryesisht në Ultësirën Perëndimore, reshjet do të jenë me intensitet të lartë deri në formën e rrebesheve.
Këto reshje mund të jenë problematike kryesisht në zonat urbane.
Në lartësitë mbi 700-800 metër, priten reshje bore me intensitet të ulët dhe mesatar. Mbi 1000 metër, priten edhe stuhi bore.
Edhe dallgëzimi në det do të jetë i lartë, i forcës 5 deri në 7 ballë.
