Nënkryetari i Këshillit Bashkiak të Tiranës, Dorian Teliti, ka njoftuar se kryesia e këshillit do të mblidhet të hënën për të diskutuar kërkesat e opozitës. “Falënderoj të gjithë për mbështetjen ndaj Aleancës për Mbrojtjen e Teatrit dhe opozitës gjatë këtyre tri javëve të betejës për transparencë dhe drejtësi,” tha Teliti. Ai vuri në dukje shkeljet e vazhdueshme të ligjit dhe përdorimin e strukturave shtetërore për interesa personale si probleme serioze në Shqipëri. “Kryesia e Këshillit Bashkiak mblidhet në orën 17:00 të hënën për të marrë vendime mbi kërkesat e opozitës, por mazhoranca vazhdon të injorojë këto kërkesa, duke mos krijuar Komisionin e Brendshëm Financiar që është i detyrueshëm sipas rregullores,” shtoi ai, duke theksuar se kjo mungesë veprimi nga mazhoranca tregon një përpjekje për të fshehur të vërtetën dhe abuzimet.
“Rrezikon të mbytet fshati, këta kriminelë nuk hapin kanalet”/ Banorët e Çiflikut shpërthejnë në protestë: Na bëhet presion, askush nuk vjen të zgjidhë problemin
Tension, zemërim dhe frikë. Kjo është panorama në fshatin Çiflik të Bashkisë Dimal, ku banorët kanë dalë në protestë duke...
