Zyra e OSBE në Tiranë ka reaguar pas ngjarjes së rëndë ku televizioni kombëtar Top Channel ku fatkeqsisht mbeti i vrarë roja i sigurisë, Pal Kola.
OSBE ka kërkuar nga institucionet e policisë së që hetohet sa më shpejt incidenti dhe të zbardhen motivet e plota të sulmi, si edhe të vendosen para drejtësisë autorët.
“Dënojmë me forcë sulmin kriminal kundër Top Channel-it dhe shprehim tronditjen dhe ngushëllimet tona të ndjera për familjen dhe kolegët e punonjësit të sigurisë, z. Pal Kola, i cili humbi jetën në krye të detyrës, ndërsa ruante ndërtesën ku bëhet gazetari që i shërben informimit publik.
Një sulm i tillë flagrant kundër medias është sulm flagrant kundër demokracisë. Prezenca e OSBE-së u bashkohet thirrjeve të zyrtarëve më të lartë të shtetit për një hetim të shpejtë e të plotë të incidentit dhe pret që autorët dhe motivet e plota të këtij sulmi të identifikohen dhe të vihen para drejtësisë”, thuhet në reagim.
Ndërkohë ka regauar dhe Ambasada e SHBA në Tiranë, e cila ka kërkuar që të përgjegjësit të vihen para drejtësisë.
“Ambasada e SHBA në Tiranë dënon me forcë sulmin vdekjeprurës ndaj Top Channel dhe i shprehim ngushëllimet më të thella familjes së viktimës. Nxisim agjencitë ligjzbatuese të kryejnë një hetim tërësor që do të nxjerrë përgjegjësit përpara drejtësisë.” Shkruhet në postimin e Ambasadës së SHBA
