Autoritetet në El Salvador në Amerikën Latine kanë hapur portat e burgjeve për ekipet televizive, duke dashur t’i tregojnë të gjithë botës politikën e ashpër që ata aplikojnë për të shtypur krimin.
Në foto shihet që të burgosurit mbajnë maska për koronavirusin, por ata jetojnë të grumbulluar në qeli të veshur vetëm me të brendshme dhe shumë ngjitur njëri-tjetrit.
El Salvador po ndjek politikën më të ashpër për të shtypur dhunën dhe krimin. Padyshim, duke sfiduar masat e distancimit shoqëror, ai “grumbullon” të burgosurit në qeli si sardele, madje pa qenë në gjendje të lëviznin duart, në shumë raste.
