Të shtëna me armë zjarri në afërsi të plazhit të Velipojës.Dyshohet për të plagosur gjatë një shkëmbimi zjarri mes disa personave në zonën pranë kompleksit të pallateve Fishta.
Shkëmbimi i zjarrit ka ndodhur nga dy makina në lëvizje dhe policia ka arritur të arrestojë në pyllin pranë plazhit një prej autorëve dhe makinën e përdorur gjatë ngjarjes.
Ndërkohë policia ka sekuestruar disa gëzhoja të gjetura në vendngjarje të cilat mendohet se do ndihmojnë në identifikimin e armës së krimit dhe identifikimin e autorëve.
Akoma nuk dihen shkaqet e ngjarjes së ndodhur dhe policia është vënë në kërkim të autorëve dhe të personit të plagosur. Në vendngjarje ka shkuar policia dhe ambulanca e spitalit Rajonal të Shkodrës.
