Disa të shtëna me armë zjarri në një hotel në Tushemisht të Pogradecit kanë zgjuar të tmerruar banorët dhe pushuesit e këtyre ditëve të verës në këtë zonë.
Ngjarja konfirmohet edhe nga policia. Uniformat blu thanë se rreth orës 05.00 është qëlluar me armë zjarri në drejtim të disa automjeteve të parkuara në një hotel.
Si rrjedhojë, makinat që ishin parkuar kanë pësuar dëme materiale.
“Më datë 08.08.2020, rreth orës 05:00, në parkingun e nje hoteli në Tushemisht, dyshohet se është qëlluar me armë zjarri në drejtim të disa mjeteve të parkuara, duke iu shkaktuar dëme materiale.
Nga ana e Policisë, po punohet intensivisht për identifikimin e kapjen e autorëve si dhe sqarimin e plotë të rrethanave të ngjarjes”, sqaroi policia.
