Të shtëna me armë zjarri kanë tronditur Tropojën pasditen e sotme dhe për pasoj dyshohet se ka mbetur i vdekur një person.
Paraprakisht mësohet se viktimë ka mbetur shtetasi I.G., 49-vjeç, ndërsa autori i krimit është shpallur në kërkim A. I. Ngjarja e rëndë mësohet të ketë ndodhur ditën e sotme rreth orës 15:30 , në fshatin Çerem. Po ashtu burime bëjnë me dije se autori dhe viktima ishin banorë të të njëjtit fshat, ndërsa rrethanat se si ndodhi ngjarja janë ende të paqarta.
Forca të shumta policia kanë shkuar në vendin e ngjarjes dhe po punojnë për zbardhjen e vrasjes. Gjithashtu në vendngjarje ka shkuar edhe grupi hetimor i cili po punon për zbardhjen e plotë të rrethanave të ngjarjes.
Njoftimi nga Policia
Tropojë
Vret me armë zjarri 49- vjeçarin, Policia identifikon dhe shpall në kërkim autorin e dyshuar.
Sot, rreth orës 15:30, në fshatin Çerem, në rrethana ende të paqarta është vrarë me armë zjarri shtetasi I.G., 49 vjeç, banues në Çerem.
Menjëherë në vendngjarje janë nisur shërbimet e Policisë, të cilat falë veprimeve të shpejta bënë të mundur identifikimin dhe shpalljen në kërkim të autorit të dyshuar, shtetasit A. I., banues në Çerem.
Vijon krehja e zonës me qëllim kapjen e autorit të dyshuar.
Grupi hetimor, nën drejtimin e Prokurorisë së Rrethit Gjyqësor Tropojë, vijon punën për zbardhjen dhe dokumentimin e plotë të rrethanave të ngjarjes.
