Dy persona kanë mbetur të plagosur me armë zjarri në rrugën “Todi Shkurti” në Tiranë. Ngjarja dyshohet se ka ndodhur pas një konflikti të çastit, ndërsa Altin Gjioka, 32 vjec, dhe Jetmir Marashi, 28 vjec janë dy personat që kanë mbetur të plagosur dhe janë dërguar në spital, ku ndodhen nën kujdesin e mjekëve.
Policia ka bërë të mundur identifikimin e autorit dhe ka rrethuar zonën e krimit. Për shkak të hetimit nuk janë bërë të ditura gjeneralitetet e tij.
Ndërkohë, grupi hetimor ndodhet në vendin e ngjarjes dhe është duke punuar për zbardhjen e rrethanave që çuan në konflikt dhe po punon gjithashtu për kapjen e autorit.
Njoftimi i plotë policisë:
Tiranë/ Informacion paraprak
Më datë 24.07.2021, rreth orës 20:30, në rrugën “Todi Shkurti” , dyshohet se gjatë një konflikti të çastit janë plagosur me armë zjarri shtetasit A. Gj., 32 vjeç dhe J. M., 28 vjeç, të cilët u dërguan në spital dhe ndodhen nën kujdesin e mjekëve.
Shërbimet e Policisë kanë bërë rrethimin e zonës dhe identifikimin e autorit të dyshuar, i cili për shkak të hetimit nuk bëhen të ditura gjeneralitet e tij.
Grupi hetimor ndodhet në vendngjarje dhe po punon për sqarimin e plotë të rrethanave të ngjarjes dhe kapjen e autorit.
